ابن جوزي _كامله_بقلم هويدا زغلول
انت في الصفحة 1 من صفحتين
وقبل ما بدا حكايتي اعرفكم بنفسي انا اسمي أميرة عندي 30 سنة عايشة مع امي بعد ما جوزي الاولاني راح في يوم لقيت امي بتقولي
الام
بقولك ايه يا أميرة عمك محسن اخو ابوكي الله يرحمة بيقول انه في واحد بيدور علي عروسة واحدة تكون ارملة وتكون طيبة وبنت حلال فقاله عليكي وعايز يجيبة ويجي لك تشوفيه
واحد مين ياماما انا مش عايزة اتجوز تاني كفاية عليا اول مرة اتجوزت وجوزي راح لا لا مش عايزة اتجوز
الام
يابنتي هو انتي عرفتي الأول الراجل مش يمكن لما تشوفيه وتعرفيه تغيري رايك ده بيقول انه راجل محترم اوي وعايش مع مامتة وابنة
ابنه هو عنده طفل صغير
الام
لا يا أميرة ده ابنه ده شاب بيقول عمك
أميرة
طيب هو ينفع اتجوز واحد عنده شاب ياماما برضو هو انتي اي عايزه تخلصي مني والسلام ولا اي
الام
يابنتي وفيها ايه بس ما انتي هاتعمليه زي ابنك عشان خاطري يا أميرة يابنتي وافقي انا مش هعيشلك طول العمر انا نفسي اطمن عليكي قبل مااروح
بعد الشړ عليكي يا ماما ربنا يطولي في عمرك وفي الوقت ده اتصل بيها عمها وقالها
العم
ازيك يا أميرة ياترى ماما قالت لك على العريس اللي جاي لك
أميرة
ايوه ياعمي هي لسه بتتكلم معايا اهي بس انا مش عايزة ياعمي وكمان بتقولو انه عنده شاب
محسن
وفيها ايه بس يا أميرة يابنتى الولد هيبقا زي ابنك بالظبط يعنى هتعامليه زي مايكون ابنك وبعدين الراجل عنده فلوس كتير يا أميرة يعنى هتعيشي عيشه مرتاحة
أميرة
انا مش ببص على الفلوس ولا حاجة ياعمي انا بس بقول يعني ....
محسن
مفيش بس يا أميرة انا خلاص هجيب الراجل ونيجي عندكم وتشوفيه وتتعرفي عليه وان شاء الله ربنا يجعل القبول بينكم انا اديت الراجل كلمه ومش هينفع ارجع فيها
وبعدين ياختي متنسيش أن من بعد ما ابوكي
راح وانا اللي بصرف عليكم وانا عندي عيال
يا حبيبتي مسؤولين مني ومش هينفع اصرف
عليكوا طول العمر
أميرة
حاضر ياعمي اللي تشوفه انا هعمله
