رواية كاملة بقلم مني عادل
انت في الصفحة 1 من صفحتين
صحيت بدري أحضر الفطار لما جهزت الصينية خدتها على أوضة جوزي
خبطت شوية بعد دقيقة الباب فتح
صباح الخير أنا حضرتلك فطار إنما إيه يستاهل بوقك
بصتلي بسخرية وهي بتقول إنتي إتجننتي بقا عايزاني أكل من إيدك و أنا إش ضمني إنك مش حطالي فيه حاجة
بلعت ريقي و الدموع إتجمعت في عيني و أنا هكون حطالك فيه إيه يعني
أنا الله يسامحك يا جيهان أنا هعمل كده ليه بس ده انا مصدقت إن ربنا أذن ييجي الواد الي كنا متمنينو
جيهان كانت هترد عليا قبل ما يقاطعها صوته من وراها
قالها جوزي الي كان طالع من الحمام وبينشف شعره
ياسر الله ريحة الفطار تفتح النفس تسلم إيدك يا حبيبتي
عبير بإبتسامة الله يسلمك
جيهان وهي ماسكة مناخيرها و بتتكلم افف أنا معدتي قلبت لما شميت ريحه الأكل دي
جيهان بقرف معرفش بقا بس أنا مش عايزة ألمح الأكل ده قدامي
ياسر بسرعة حاضر ياقلبي بس إنتي لازم تاكلي عشان تتغذي إنتي و الي في بطنك
جيهان اه أنا كنت بكلم ماما من شوية و قولتلها إني نفسي في أكلة من برة عشان مش قادرة أشم الأكل و هو بيطبخ و هي قالتلي إنها هتيجي بعد نص ساعة و تجبلي معاها الفطار
عبير بإبتسامة طبعا أنا كنت هعملها أي أكلة تطلبها
جيهان مردتش على كلامهم وبعدها بشوية مسكت راسها اه إلحقني يا ياسر أنا حاسة إني دايخة
ياسر وهو بلهفة ألف سلامة عليكي ياقلبي تعالي و إرتاحي عبير بعد إذنك إعمليلها كوباية عصير
دخلت المطبخ وسمحت لدموعي إنها تنزل وقتها حاولت أكتم شهقاتي
أنا إبقى عبير وعندي 35 أنا و ياسر متجوزين بقالنا 15 سنة بس عشان أنا مبخلفش طلبت منه إنه يتجوز تاني رغم رفضه في البداية لأنه بيحبني لكني
