الدجال
انت في الصفحة 1 من صفحتين
القصة اللي هحكيهالكم حقيقية كل حرف فيها ويشهد ربنا ان مفيش حرف من الحكاية دي من تأليفي.. الحكاية محصلتليش انا هي حصلت لجارتي ف نفس القرية اللي انا عايشة فيها انا من الاقصر واللي حصلت معاها القصة اسمها خديجة كانت بنت جميلة جدا ومحترمة جدا عمرها ما عملت مشاكل مع حد وهي وحيدة امها.
كانت خديجة تحلص الكلية وترجع للبيت تاكلها لقمة وتلبس وبعدها تنزل للمكتبة تفضل من بعد الضهر لحد الساعه 6 مساء ترجع البيت تاكل وتحضر محاضرات تاني يوم ف الكلية وهكذا تاني يوم ترجع من الكلية ع المكتبة ده هو روتين يومها كل يوم مبيختلفش خالص لكن اختلف لما في يوم راحت للكلية ورجعت ع المكتبة وبعد ما خلص يوم شغلها رجعت للبيت الساعة 6 ومن بعد رجعتها للبيت مظهرتش تاني! 3 ايام غابت خديجة عن الكلية وعن المكتبة وللسبب ده صاحب المكتبة راح لها عشان يطمن عليها.
طلع لشقتها وخبط كام خبطه ع الباب ومحدش فتح الباب ولما سال الجيران قالوا انهم مشفوش خديجة ولا حتي امها خرجت من الشقة بقالهم 3 ايام!
في اللحظة دي صاحب المكتبة شم ريحة عفن جاية من الشقة! فقلق جدا ان يكون حصلهم حاجة...
فهنا قرر انه يبلغ الشرطة لان مينفعش هو يفتح الشقة...
3 ايام غابت خديجة عن الكلية وعن المكتبة وللسبب ده صاحب المكتبة راح لها عشان يطمن عليها
