قدامك خمس بنات
انت في الصفحة 2 من صفحتين
ايه رأيك ياجدي!
جدو بتأيد
حقك يا ياسين يابني روحي يادارين يابنتي امسحي الميك اب خلي ياسين يتطمن
دارين بتوتر
ا انا ا انا انا
ياسين بتريقه
انا مش عارفني انا توهت مني انا مش انا
دارين بغيظ
اووووف هو ايه أصله ده انا مش عايزه اتجوز عن اذنكم
قالت جملتها وطلعت تجري علي بيتها وهي بتدب رجلها في الأرض بعصبيه
وبما اني شبه الولاد فلا يجوز تتجوز ابن عمك ياكابتن الناس تقول لا مؤاخذه الوان
عن اذنك ياجدو أنا همشي
قولت كلامي وخرجت انا كمان وطلعت علي بيتنا
اول ما دخلت كانت ماما قاعده مستنيه بلفه
ها عملتي ايه أختار مين ايه اللي حصل قالك ايه ق
قاطعتها بضيق
هي بضيق
سكتنا
اتنهدت وانا بقعد علي الكنبه وبسحب تفاحه وباكلها
معرفش لسه مختارش
وبصيتلها
بس الاكيد مش انا يعني ويبقي عمل فيا خير
ومش انتي ليه ياختي!!
رديت بغيظ
قال اي بيقول لجدي فين الخمسه انا مش شايف غير اربعه بس بيقولي افتكرتك ولد
البعيد عديم النظر والاحساس
عنده حق واحد عايش طول عمره برا في أمريكا وكل يوم بيشوف بنات اشكال والوان وكلهم حلوين حقه يشبهك بالولاد بمنظرك ده
ماله بقي منظري أن شاء الله هو انا لازم البس محزق وملزق واحط كيلو ميك اب في وشي عشان اعجب !!
وبعدين احسن انا اصلا مكنتش موافقه علي الجوازه الهباب دي هو جدي مفكر أننا جواري عشان يبيع ويشتري فينا
واقولك علي حاجه أنا هفضل كده بمنظري ده ومش هتغير عشان حد واللي عاجبه عاجبه واللي مش عاجبه يخبط دماغه في الحيط
ماما بسخريه
ماهو ده اللي فالحه فيه طوله لسانك
رديت ببرود
اهو علي الاقل فالحه في حاجه
بعصبيه
امشيي غوري من وشي
اوووووف استغفر الله العظيم يارب
منك لله يا شيخه
خليكي كده ياختي خليكي قاعده جنبي لحد ما تعنسي خالص فالحه بس تقوليلي لما اتجوز هعمل وهعمل وهعمل
ابقي قابليني لو حد بص في
