بنتي ومرات ابني عايزين

ناويين يفتحوا وبعدين مخدوش رايي في الحوار ده ليه
الام 
عايزاك تروق اعصابه كده بس وبلاش تتخانق معاهم هما كل اللي يهمهم مصلحتك وبس
اسامه 
بجد يا ماما انا فاصل جدا ومش قادر اتكلم في اي حاجه خلي الموضوع ده لبكره وباذن الله قبل ما اروح الشغل نبقى نقعد نتكلم فيه يلا تصبحي
على خير وبعدها دخل وكانت اسماء قاعده

اسامه 
ايه ده هو انتي صاحيه امال ماما قالت عليك انك نايمه ليه
اسماء 
انا اللي عملت نفسي نايمه علشان اخذ بعضي وادخل الاوضه واقعد استناك تعالي بقى علشان عايزه اتكلم معاك في موضوع مهم
اسامه 
نخليها بكره يا اسماء بجد انا تعبان جدا ومحتاجه انام ومش شايف قدامي اصلا
اسماء 
هو انت ايه كل يوم تعبان تعبان وعايز تنام انا بصراحه زهقت من الاسلوب ده انا حاسه ان انا مش متجوزه خالص
اسامه 
اعمل ايه يا حبيبتي انتي عارفه نظام شغلي عامل ازاي وبطلع من شغلي الساعه 300 بروح شغل الثاني علشان اقدر اكفي مصاريفكم
اسماء 
وانا مليش دعوه بكل الكلام ده انا خلاص اتخنقت
اسامه 
طب معلش حقك عليا بكره هحاول ارجع بدري شويه واقعد معاكي بس تسيبيني انام بقى
وبعدها نام وخرجت اسماء
الحما 
ايه ده يا حبيبتي هو اسامه لما دخل ۏلع النور وصحاكي ولا ايه
اسماء 
بصراحه انا اتخنقت من ابنك ده قوي يا حماتي انا داخله انام جوه عند نورا
الحما 
ربنا يهديك ليكم الحال يارب وبعدها دخلت 
نامت وتاني يوم صحي اسامه
اسامه 
صباح الخير يا ماما امال فين الفطار وفين نورا واسماء
الحما 
من بدري يا حبيبي وروحوا يشوفوا موضوع المحل وكمان هيعدوا على الصاغه علشان يبيعوا ذهب مراتك
اسامه 
وما فيش سمع للكلام مش انا قولتلك يا ماما لما اصحى الصبح نتكلم في الحوار ده افرضي ما وافقتش على اللي هم عايزين يعملوهم
الام 
يا حبيبي حرام عليك سيبهم يشتغلوا هم الاثنين
طول النهار قاعدين في البيت مخنوقين وكمان انت شايف الظروف عامله ازاي واختك عروسه ولازم تتجهز
اسامه 
والله يا ماما لو بايدي لو كنت اشتغلت ايه وما خليتهمش ينزلوا ولا يفكروا في الموضوع ده اصلا
الام 
حبيبي انا واثقه ومتاكده من الكلام اللي انت بتقول عليه ده انزل يلا