اشتغلت بالاجرة
انت في الصفحة 2 من صفحتين
كنا في الموقع وروحنا بدري انا والحج محمد في اشعار جاله علي الواتس لقيته بيقول الله أكبر الحمد لله وقالي وقف عند اقرب مسجد
نزلنا اتوضي وصلي ركعتين وطول في سجوده ورد ووشه مبتسم ويضحك
قالي انت ماسألتنيش ليه ايه اللي حصل
قلتله مش متعود نسأل حد لكن انا سعيد لفرحك
قاللي انت وشك حلو عليا في شحنة معدات اتوافق علي دخولها دي هتنقلنا نقله تانيه خالص انا وشركاتي
جيت ننزله عند بيته قالي لا انا جاي معاك علشان عايز العربيه رايح بيها مشوار خاص عزمت عليه نزل وقال هات لقمه من الحاضر وكوباية شاي سلم علي اولادي
وقالي نادي علي العروسه يقصد بنتي العروسه
واعطاها 1000جنيه وقالها دول حلاوتك من عمك
قلتله طيب نستأذنك بكره علشان عندي مشوار هنسعروا كشف طلبات العروسه سألني شوية اسأله
وبعد بكره خد اجازه يومين
قعدت في البيت منتظر لقيته بيرن عليا الساعه 8 وقالي انتظر مني تليفون علي اذان العصر
قعدت للمغرب ماحدش رن لعند العشا رنيت عليه قالي انا داخل عليك الساعه كانت 2 بالليل
لقيت عربتين نص نقل داخلين علي بيتي فيهم كل الاجهزه الكهربائيه ومعاهم شيالين وقالو الحج محمد قالنا تنزلوهم. وماحدش يحس بخبر في الستر والغطي
تاني يوم روحت بدري للحج محمد ووقفت قدام بيته
قاللي معلش ماتتكلمش نص كلمه
دول دين عليك هتسددهم براحتك لم ربنا يفرجها عليك اعطيهم للي يستحقهم
ولكن يقصد نسيبه في التجاره
اي يشاركه في التجاره
اعطاه مبلغ من المال وسياره تيوتا وخد له محل ومخزن وقاله رزقي ورزقك علي الله
وعلشان كان مشهود له بالأمانه تجارته كبرت في سنتين وعمل علاقات وعملاء
شريكه ربنا وسعها عليه في المقاولات
تجارته كبرت في اقل من عشر سنين وعمل مقلي في مكان مشهور
وبقا مزار لكل التجار ويقابل العملاء بكل احترام والشيالين معاه والسواقين قاعدين معاه كأنهم اخواته
يشاركهم احزانهم وافراحهم ومتمسك بيهم
ويساعدهم في زواج اولادهم لان كلمة شريكه دول دين عليك لسا في ودنه
التجاره صدق مع نفسك ومع الله
لازم تحسس فيها البائع والمشتري بالامان
من أمن شرك وأذاك لن يتخلي عنك ابدا مهما لف ودار
من يتقي الله يجعل له مخرجا ويرزقه من حيث لايحتسب ،،،
شاركها تؤجر
