رواية المتسولة جميع الاجزاء كاملة

كنت واقفة سامعة الكلام اللي بيتقال كله ودموعي نزلت ڠصب عني ذنبي إيه إني اتولدت لقيت نفسي فقيرة وعايشة بين أب وأم قلبهم قاسې مبيرحموش الأب قالب الاوضة اللي قاعدين فيها غرزة والأم عايزة تخليني خدامه في بيوت الناس وأسمع كلامهم حتى لو ابن الباشا هيمشيلي الليلة بمتين جنيه بعد شغل البيت ويا اعجبه أو ما اعجبهوش...

مسحت دموعي في كم التيشرت اللي اتبهدل تراب من پهدلة الشارع وجريت على محل الكبدة أكل منه ودموعي نازلة على خدي مش قادرة اوقفها بعد شوية خلصت طبق الكبدة وطلبت طبق تاني لكن الراجل اللي بيعمل السندويتشات رمى المعلقة في الطاسة وقال

_ وإنتي بقى معاكي تدفعي تمن الطبقين ولا هتاكلي وتطلعي تجري زي اللي بييجوا هنا شبهك

رديت عليه بسرعة قبل ما يرميني من المحل زي بتاع المشويات

_ لا لا والله أنا معايا فلوس وهاكل بفلوس.

نزلي طبق كبده تاني وقعدت أكل فيه لحد ما خلص اخدت آخر لقمة من رغيف العيش مسحت فيها الزيت اللي في الطبق وكلتها وقبل ما اقوم لقيت إزازة بيبسي بتتحط قدامي من الراجل الكبير صاحب المحل.

_ أقعدي يابنتي رايحة فين

_ أصل أنا خلصت أكل هقوم أحاسب وهخرج أدور على مكان أشتغل فيه.

_ إنتي بتشتغلي ايه

_ أي حاجة يا حاج أنا بشتغل في أي شغل بس الاقي الأول.

_ بتعرفي تطبخي وتنضفي

_ ده انا لهلوبة أصل كنت بشتغل في ڤلل وعند بشاوات برضو لكن الشغل مكانش بيعجبني.

_ وسيبتيها وجيتي لمر الشوارع ليه عاجبك حالك دلوقتي

_ حالي مش عاجبني آه بس أهون من اللي كنت عايشة