قصه ناريمان واحمد
انت في الصفحة 1 من صفحتين
قصى ناريمان واحمد
الفصل الاول أنا نهلة ابقا مرات خطيبك!
بتقولي ايه انتي مچنونة صح!
بصتلي بشفقة وقالت وهي ماسكة ايد ولد صغير مكملش تلات سنين بقلم سولييه نصار
وده يبقي علي ابنه.
خدي دي شهادة ميلاد ابني علي... وده ورقة جوازي بأحمد.... اتجوزنا من أربع سنين... كان مفهمني أنه بيحبني وخلاني في الريف واخد دهبي وجه هنا علي أساس يشتغل ويفتح مشروع بس اكتشفت أن البيه مقرطسني وجاي هنا عشان يتجوز واحدة مرتاحة تقدر تعيشه كويس.
ضحكت بتريقة وقالت
الشركة اللي بتخسر قصدك...وبسببها اضطر يدور علي ضحېة جديدة... أنا بعت دهبي عشان يقدر يفتخ الشركة دي .... طب بلاش دي هو عرفك علي أهله!
كداب أمه بس اللي مېتة لكن أبوه مسجون پتهمة رشوة.
عيوني دمعت وحسيت الدنيا بتلف بيا وكنت هقع لكن مسكتني وقالت
يعلم ربنا أنا اتبهدلت قد ايه عشان اوصلك يا آنسة ناريمان بس كان لازم احذرك من أحمد ده واحد معندوش ضمير وسمعة أهله وحشة بلاش تتورطي زيي
وبعدين مشيت وسابتني.
اټفزعت لما حد خبط علي الباب ولقيت بابا من برة بيقول
يالا يا عروسة المأذون وصل.
حاولت أهدي نفسي وأنا بقول
جاية يا بابا
